ARESTADO ang aktor na si Dominic Roco kasama ang apat pa sa isinagawang buy-bust operation sa Quezon City.
Ayon sa Quezon City Police District (QCPD), dakong alas-1:20 ng madaling araw nang maaresto sina Roco, 33; Eugene Marvin Tolentino, 27; Reynaldo Sanchez Sy, 45; Renz Anthony Cruz, 33; at Dexie Diamante, 21, sa Brgy. Holy Spirit.
Nakompiska mula sa mga suspek ang P112,000 halaga ng shabu, P14,000 ng pinatuyong marijuana, isang timbangan, at buy-bust money.
Nakakulong na ngayon ang aktor at kanyang mga kasama sa police station matapos sampahan ng kaso dahil sa paglabag sa Republic Act 6425 o Comprehensive Dangerous Drugs Act.
Si Roco ay anak ng beteranong aktor na si Bembol Roco at kapatid ni Felix Roco, na isa ring artista.
More Stories
JAKE PAUL VS CHAVEZ JR! SUNTUKAN NGAYONG HUNYO — ‘EL GALLO DE DORADO’ VS ANAK NG LEYENDA!
Linisin ang Hanay—Tapusin ang “Kolek-tong” sa Calabarzon
5 patay sa lunod noong Biyernes Santo, mga nasawi umakyat na sa 9 sa Calabarzon