Brigada Pagbasa sa Navotas

NAKIISA si Navotas City Mayor John Rey Tiangco sa ikinasang Brigada Pagbasa ng mga mag-aaral ng Kapitbahayan Elementary School. Layunin ng programang ito na hikayatin ang mga mag-aaral na mawili sa pagbabasa. Anang alkade, mahalaga na habang bata ay sanayin ang mga anak na magbasa. Sa pagbabasa, mas nahahasa at lumalawak ang kanilang imahinasyon at pagiging malikhain, ang kanilang critical thinking at problem-solving skills, pati na ang kanilang personalidad at karakter.