Iniwan sa kwarto ng tatay! 1-anyos nakuryente, patay

Nagluluksa ngayon ang pamilya ng isang bata na namatay matapos makuryente nang iwan sa kwarto ng kanyang ama sa Brgy. Alicacao, Cauayan City.

Nabatid na iniwan ng ama ang kanyang anak sa kwarto sa Purok 3, Alicaocao, Cauayan City para kunin ang kanyang mga sinampay.

Pero wala ng buhay ang bata nang datnan niya pagbalik – nakahiga sa sahig at nangingitim ang dulo ng mga daliri.

Hinala ng ama, hinila ng bata ang extension wire na naging sanhi ng kamatayan nito.

Isinugod pa sa malapit na pagamutan ang bata subalit idineklarang dead on arrival.