KAHIT MAALAT ANG OPENSA, CURRY AT GSW, KINATAY ANG JAZZ

Kahit medyo maalat ang shooting ni Stephen Curry, nagawa pa ring katayin ng GSW ang Utah Jazz, 94-92.
Nanguna sa panalo ng Warriors si Jordan Poole na lumagare ng 20 points at 3 boards. Nag-ambag naman si ‘The Chef’ ng 13 points, 6 ast, at 4 boards.

Samantala, nilapa naman ng Minnesota Timberwolves ang Brooklyn Nets, 136-125. Bumida si D’ Angelo Russell sa panalo ng Wolves. Nagtala siya ng 23 points, 10 assists at 5 boards.

Kumana naman si Anthony Edwards ng 23 points. Habang 30 points, 6 boards naman ang ginawa ni Karl Anthony Towns.

Sa panig naman ng Nets, pumukol si Kyrie Irving ng 30 points at 6 boards. Tumipa naman si Patty Mills ng 23 points at 3 boards.