NAOSPITAL, JOHN RIEL CASIMERO, OUT KONTRA BUTLER

Hindi na sasalang si Pinoy pug John Riel Casimero sa kanyang mandatory WBO bantamweight title defense. Nakatakda sanang umupak si ‘Quadro Alas’ kay Paul Butler sa Probellum Revolution sa Dubai.

Pinalitan si Casimero ni Joseph Agbeko ng Ghana bilang replacement. Ayon sa statement ng Probellum, di nagawa ng Pinoy na makasalang sa weigh-in. Hiling ng promotion ang speedy recovery ni Casimero.

Ayon sa ilang ulat, dinala si Casimero sa ospital matapos magdusa sa ‘viral gastritis’.Kinumpirma mismo ito ng cutman niya na si Stephen Lunas sa Facebook.

“Viral gastritis sucks.But first and foremost the health of an athlete is more important than the sport itself. Get well soon champ Quadro Alas. Fight another day!,” ani Lunas.