QC NAGLAAN NG P250M PARA SA HAZARD PAY NG MGA EMPLEYADO

QUEZON CITY – Inaprubahan ng Quezon City government ang P250 milyong pondo para sa employees’ hazard pay ng lahat ng eligible workers na nagtatrabaho sa panahon na ipinatupad ang enhanced community quarantine (ECQ) at modified ECQ.

“All our workers on-duty deserve to be fairly compensated for their sacrifices especially since they face the inevitable risk of contracting the virus,” saad ni Mayor Joy Belmonte.

“They deserve no less as they continue to support us in the delivery of our services and programs to the public,” dagdag pa nito.

Sa ilalim ng  Ordinance No. SP-3025, s-2021 ang lahat ng regular, contractual o casual employees o kahit na nasa  contract of service, job order ay pawang  qualified tumanggap ng  P500 hazard pay kada araw ng pagpasok sa trabaho.

Ang mga barangay personnel na may  plantilla at contractual positions ay bibigyan ng lokal na pamahalaan ng  hazard pay na P200 per day  sa ilalim naman ng  Ordinance No. SP-3026, s-2021.

Ilang mga lugar sa National Capital Region ay naisailalim sa ECQ mula March 29 hanggang April 4 at na extend hanggang April 11. Kasama ang QC sa naisailalim sa  MECQ mula April 12 hanggang  April 30 at na extend hanggang  May 14.