4 LUGAR SA MUNTINLUPA CITY, NILATAGAN NA RIN NG BORDER CONTROL POINTS

Naglatag na rin ng border control points ang Muntinlupa Police Office sa apat na lugar sa lungsod  para sa 2-week ECQ sa Metro Manila.

Kabilang dito ang mga lugar ng San Pedro-Tunasan Boundary, Susana Heights Exit, Sucat-Taguig Boundary, at Biazon Road – Alabang Boundary.

Pinayuhan ni Muntinlupa Chief-of-Police, PCol Melencio Maddatu Buslig ang mga residente na  iwasan na muna ang mga non-essential travel.

Ayon kay  PCol  Buslig , tanging mga  Authorized Persons Outside of Residence (APORs)  ang papayagang makatawid sa mga checkpoints habang ang  mga non-authorized person outside of residence  ay hihilinging bumalik  sa kanilang mga bahay.

Pangunahing babantayan ng mga police officers ang  mga pasahero ng mga jeepneys, buses, at tricycles na hindi sumusunod sa minimum health tulad ng ‘di pagsusuot ng face mask at face shield at ang pagpapairal ng  physical distancing.