3 ARESTADO SA BUY-BUST SA VALENZUELA

Arestado ang tatlong kalalakihan na sina James Okiko, Bryan Capili at Dante Lalog matapos ang isinagawang buy-bust operation sa Tanada Subd., Gen. T. Deleon  Valenzuela City ng mga tauhan ng Station Drug Enforcement Unit ng Valenzuela Police. Narekober sa kanila ang buy-bust money at anim n apiraso ng plastik sachet ng hinihinalang shabu  (RIC ROLDAN)

BAGSAK sa kulungan ang tatlong hinihinalang sangkot sa illegal na droga matapos maaresto sa isinagawang buy-bust operation ng mga pulis sa Valenzuela City.

Ayon kay Valenzuela Police Chief Col. Fernando Ortega, isinagawa ng mga operatiba ng Station Drug Enforcement Unit (SDEU) ang buy-bust operation sa Tañada Subd., Brgy. Gen. T De Leon, ng lungsod.

Nadakma ng mga operatiba sa operation sina James Okiko, Bryan Capili, at Dante Lalog matapos bentahan ng isang sachet ng shabu ang isang miyembro ng SDEU na nagpanggap na poseur-buyer.

Nakumpiska sa mga suspek ang anim na plastic sachets na naglalaman ng hindi pa mabatid na dami at halaga ng hinihinalang shabu at buy-bust money.

Mahaharap ang mga suspek sa kasong paglabag sa Comprehensive Dangerous Drugs Act of 2002.