2 SUGATAN SA PAGSABOG NG LPG SA MALATE

SUGATAN ang dalawang lalaki matapos sumabog ang isang liquefied petroleum gas (LPG) sa Malate, Maynila kaninang umaga.

Inoobserbahan na ngayon sa Philippine General Hospital sina Jerson Panong, isang aircon technician, ng 2566- A Singalong St., Malate at si alyas ‘JR’, isang helper.

Kabilang din sa napinsala sa nasabing pagsabog ang isang sasakyan at motorsiklo.

Ayon sa ulat ng Manila Police District – Station 9, dakong alas-5:30 ng umaga nang marinig ang pagsabog sa nasabing lugar. Agad na tumawag ng saklolo si Barangay Kagawad Ramilito Morales ng tulong sa pulisya.