MANILA — Ipinagsawalang-bahala ni Senador Antonio Trillanes IV ang hamon ng aktor na si Robin Padilla na siya’y kusang sumuko sa mga awtoridad matapos mapawalang-bisa ang kanyang amnestiya.
“Parang bata. Napakababaw,” ani Trillanes sa panayam ng mga mamamahayag sa labas ng kanyang tanggapan sa Senado, kung saan siya pansamantalang nananatili habang nakabinbin ang kanyang kaso.
“Ang kinakaharap natin ay mga pambansang problema, tapos may mga ganitong kababawan. Nakakabahala na may mga hindi mature na tao sa usaping ganito,” dagdag ng senador.
Si Trillanes ay nahaharap sa posibleng pag-aresto matapos ideklarang walang bisa ni dating Pangulong Rodrigo Duterte ang ipinagkaloob na amnestiya sa kanya noong 2011, sa alegasyong hindi umano niya ito naisumite nang pormal sa pamamagitan ng nakasulat na aplikasyon. (BERNIE GAMBA)
More Stories
SENADO NAG-CONVENE BILANG IMPEACHMENT COURT
Pinuno ng Japanese Crime Syndicate, Nalambat ng BI sa Pampanga
Korte, Nagpasok ng ‘Not Guilty’ Plea para kay Teves sa Kasong Illegal Possession of Firearms