INANUNSIYO ng Manila Electric Company (MERALCO) na bababa ang kanilang singil sa kuryente sa buwang ito ng Abril.
Ayon kay Meralco Vice President for Corporate Communications Joe Zaldarriaga, ito’y kasunod na rin ng pagmura ng transmission charge na ipinapataw ng planta na ‘First Gas’ dahil sa hindi paggamit ng Liquified Natural Gas sa Sta. Rita at San Lorenzo plants.
Idagdag pa rito ang pagmura rin ng generation charge mula sa mga Independent Power Producer (IPPs) gayundin ng Power Supply Agreement sa kabila ng pagtaas ng presyo ng kuryente sa Wholesale Electricity Spot Market (WESM)
Dahil dito, asahan na ang P0.98 na bawas singil sa kuryente ang lalabas sa electricity bill ng mga MERALCO consumer ngayong buwan.
Katumbas ito ng P198 na bawas singil para sa mga kumokonsumo ng 200 kilowatt per hour habang P494 naman para sa mga MERALCO consumer na kumokonsumo ng 500 kilowatt per hour.
More Stories
Sudden-Death Semis: UST at NU Laban Para sa Final Spot sa UAAP Men’s Volleyball
131 LGUs Balak Kasuhan ng ARTA Dahil sa Kabiguan Magpatayo ng e-BOSS Laban sa Red Tape at Katiwalian
Truck ng Comelec Service Provider Nahulog sa Bangin sa CDO; 1 Patay