“Tapos na ang Laban”MANNY PACQUIAO, OPISYAL NANG NAGRETIRO SA BOXING

Opisyal nang inanunsyo ni Sen. Manny Pacquiao ang kanyang retirement sa boxing. Siya ang bukod tanging eight-division boxing champion sa kasaysayan.

Sa edad na 42-anyos, lumaban siya ng kabuuang 72 fights. Kung saan, 62 rito ay panalo (39 ang KO’s) 8 losses at 2 draws. Sa kabuuan, 26 taon ang binubo niya sa boksing.

Mismong si Pacquiao ang nag-anunsiyo ng kanyang retirement sa kanyang social media page. Sa isang video na may habang 14 minutes at 20-seconds, doon ay nagpaalam na sa larangan ng boxing ang ‘Fighting Senator’.

“I just heard the final bell. Tapos na ang boxing. Maraming, maraming salamat po sa inyong lahat,” aniya.