SYOTA NI KARL ANTHONY TOWNS, SINULOT NI JIMMY BUTLER

SPORTS BUZZ

Dating magkakampi sa Minnesota Timberwolves sina Karl Anthony Towns at Jimmy Butler (Miami Heat na ngayon). Gayunman, kada taon ay lumilipat ng team si Butler kung saan mula sa Wolves ay lumipat sa Philadelphia 76ers noong 2018. Kaya, nagtaka ang mga fans kung bakit lumipat si Butler gayung maganda na ang chemistry ng Wolves dahil puro dating Chicago Bulls ang player pati ang kanilang coach.

Umugong ang tsismis na kaya umalis si Butler ay dahil sa gap sa pagitan nila ni Towns. Sa ulat ng Fadeway World, natulog umano si Butler kasama ang GF noon ni Towns na si Kawahine ‘Kawa’ Andrade noong birthday nito at may nangyari sa kanila.

Nadiin si Butler nang ma-screenshot ang comment ng isang kaibigan niyang si Kevin sa Instagram account niya na : “ Why don’t you go celebrate with KAT’s girlfriend some more”. Agad naman binura ng Wolves ang nasabing comment para di na lumaki pa ang gulo. Marami ang nagpapatotoo na nagdi-date si Butler at ang syota ni Towns.

Iyon umano ang naging mitsa ng kanilang tampuhan kaya nag-request umano ng trade si Butler kaya napunta ito sa Philadelphia. Ang matindi pa, nakipagbreak si Towns sa nobya niyang si Andrade na isang modelo sa Los Angeles. Kung kaya, ang mga larawan nila ni Towns sa kanyang Instragram account ay inalis na niya. Kaya sabi ng mga taga-Minnesota, sinulot si Butler ang GF ni Towns.

Gayunman, sa kabila ng tsismis, pinasinungalinan ni Towns ang kuwento sa media. Aniya, hiwalay na aniya sila ni Andrade bago pa ang sinasabing love-triangle sa pagitan nila ni Butler. Isa pa, napunta sa Philadelphia si Butler di dahil sa gap sa kanila. Kundi dahil paso na sa kontrata.

Pagkatapos nun, napabalita na may bagong nobya si Towns na ang pangalan ay Shy ( Salt sa bansag ng iba). Pero, nagkalabuan din umano sila dahil nakikipagdate si Towns sa babaeng kamukha ng kanyang ex- na si Andrade sa katauhan ni Jordyn Woods na isang IG Model. Si Woods ay kaibigang matalik ni Kylie Jenner.