SUBSCRIBER NG DITO UMABOT NA SA 10M

Binati ng country head ng Bank of China Manila Branch na si Jun Deng ang DITO Telecommunity matapos nitong maabot ang 10 million-subscriber mark sa buong bansa.

“Congratulations on the number of subscribers of DITO over 10 Million today!” ayon kay Deng.

Ibinahagi pa nito na masyadong advance at kahanga-hanga ang teknolohiya ng DITO matapos nitong bisitahin  ang ilang Operating Centers ng DITO Telecommunity sa Davao ngayong araw.

“I also want to give many thumb-ups to POLYHUAXIN and Fiberhome for the high quality and fast construction,” dagdag pa ni Deng.

Target ng bagong major telco player, isang joint venture ng grupo ni Davao-based businessman Dennis Uy kasama ang China Telecommunications, na umabot sa may 12 million ang users ng DITO bago matapos ang taon.