ROMUALDEZ ‘VERY QUALIFIED’ MAGING VP – ARROYO

Para kay dating president Gloria Macapagal Arroyo, ‘very qualified’ si House of Representative’ Majority Leader at Leyte Rep. Martin Romualdez bilang susunod na vice president ng bansa.

“I am happy for Martin. Indeed he is very qualified,” said Arroyo.

Ginawa ng dating pangulo ang pahayag matapos ang pangako ni Pangulong Rodrigo Duterte na susuportahan ang mambabatas kung magpapasiya siyang tumakbong vice president sa 2022.

Kinumpirma ni Romualdez na nagkaroon sila ng pagpupulong kasama si Arroyo, ang kanyang anak na si Pampanga Rep. Juan Miguel “Mikey” Arroyo, Sen. Imee Marcos at kapatid nito na si dating senator Ferdinand “Bongbong” Marcos., noong Hunyo 14.

Si Romualdez ay matagal nang kaalyado ni Arroyo, isang kasapi ng Lakas-Christian Muslim Democrats (Lakas-CMD) bago siya lumipat sa ruling party Partido Demokratiko Pilipino-Lakas ng Bayan noong 2017. Si Romualdez ay kasalukuyang presidente ng Lakas-CMD.