ININDORSO na ng Department of Health ang reklamo laban kay Senator Koko Pimentel sa mga pulis at sa National Bureau of Investigation para sa umano’y paglabag sa quarantine protocol.
Ayon kay Rico Quicho, dating dean ng University of Makati, iimbestigahan nina Philippine National Police Chief PGEN Archie Gamboa at NBI Director Eric Distor kung talagang lumabag ang senador sa “Mandatory Reporting of Notifiable Diseases and Health Events of Public Health Concern Act.
Sagot naman ni Pimentel na magpapadala siya ng kanyang counter affidavit sa Justice Department nang hindi ipamamahagi sa media.
Giit ni Pimentel, ang reklamo ni Quicho ay isang legal matter at hindi political.
Ang kaso ay nag-ugat noong Marso nang samahan ng senador ang kanyang manganganak na asawa sa Makati Medical Center sa kabila na sumasailalim ito sa self-quarantine para sa umano’y COVID-19, na kalauna’y nagpositibo ang resulta habang nasa naturang ospital.
More Stories
BAGONG TATAG NA TARLAC CHAPTER & GYM KAAGAPAY SI SIKARAN OFFICIAL MASTER CRISANTO
Bagong gym, binuksan sa Navotas
PAGPAPALIBAN SA BARMM ELECTIONS, PINAG-AARALAN NA – PBBM