REGISTERED OWNER AT DRIVER NG DUMP TRUCK NA SANGKOT SA AKSIDENTE SA EDSA BUS CAROUSEL SA QC IPINATATAWAG NG LTO

IPINATAWAG ng Land Transportation (LTO) ang registered owner at driver ng dump truck na umararo sa 16 concrete barriers sa EDSA Bus Carousel sa Quezon City nitong Martes, Marso 25.

Ayon kay LTO Chief, Assistant Secretary Atty. Vigor Mendoza II, layon ng patuloy na imbestigasyon na malaman ang tunay na pangyayari sa nasabing aksidente sa EDSA-Santolan Bus Carousel sa Quezon City.

“Gusto nating malaman kung bakit nagresulta sa ganitong klaseng aksidente dahil hindi normal ang ganitong klaseng aksidente kung saan aararuhin mo yung mga concrete barriers,” wika ni Asec Mendoza.

“In this specific investigation, we want to hear the side of the driver kung nasa kanya ba yung pagkukulang o masyado ng mahaba ang oras ng pagtatrabaho niya kaya nahantong sa ganito,” dagdag niya.

Sa inilabas na Show Cause Order (SCO) ni LTO-Intelligence and Investigation Division chief Renante Melitante, hiniling sa registered owner na isama ang kanyang driver sa Lunes, Marso 31, sa LTO Central Office sa Quezon City at upang ipaliwanag ang nangyari sa pamamagitan ng nakasaluat at notaryadong liham

“Further be informed that due to the gravity of your acts, your Driver’s License with No. C10-15-000205 is hereby preventively suspended for a period of NINETY (90) DAYS with a directive to surrender your driver’s license on the scheduled hearing date,” mababasa sa SCO. “Failure to appear and submit written comment/ explanation as required shall be construed by this office as a waiver of your right to be heard, and the case shall be decided based on the evidence at hand,” dagdag pa nito.