Rebeldeng NPA bumulagta sa tropa ng gobyerno

Patay ang isang rebeldeng New People’s Army (NPA) matapos makaengkwentro ng tropa ng gobyerno sa San Jose Del Monte sa Bulacan ngayong araw.

Kinilala ni Col. Charlie Cabradilla, acting director ng Bulacan Police Provincial Office, ang nasawing rebelde na si Jovel Agudez ng Komiteng Larangan Guerilla (KLG) – Narciso.

Ayon kay Cabradilla, na base sa impormasyon na ibingay ng Philippine Army’s 70^th Infantry Batallion, nagkaroon ng bakbakan sa pagitan ng mga rebeldeng KLG-Narciso at magkasamang puwersa ng Intel Platoon 70IB, Alpha Company 70IB kasama ang 1^st at 2^nd Bulacan Provincial Mobile Force companies, City of San Jose Del Monte (CSJDM) Police Station at 33^rd Company of Regional Mobile Force Batallion 3 (Central Luzon) sa Sitio Katorse, Barangay Kaybanban, San Jose Delmonte City.

Narekober ng tropa ng gobyerno sa pinangyarihan ng engkwentro ang cal. 5.56 na baril na kargado ng bala, iba’t ibang dokumento at mga personal na gamit.