QUARANTINE PERIOD PARA SA BAKUNADO, PINAIKLI

Dumipensa ang Department of Health sa pagpapatupad ng bagong polisiya partikular na ang mas maikling quarantine period sa mga COVID-19 patients at close contacts.

Paliwanag ni DOH Spokesperson Usec. Rosario Vergeire ang policy shift ay masusing pinag-aralan ng mga lokal health expert at ipinapatupad din sa ibang mga bansa.

Iginiit ng opisyal na hindi gagawa ng mga hakbang ang gobyerno na mas magpapalala sa COVID-19 situation ng Pilipinas.

Batay sa bagong polisiya ng IATF pina-iksi nito ang isolation at quarantine protocols para sa mga bakunadong indibidwal nang hangang limang-araw.

Iginiit ni Vergeire na lumalabas sa pag-aaral na mas maikli ang araw na nakakahawa at mas kaunti ang viral load ng mga taong fully vaccinated na laban sa COVID-19.