QC KINILALA BILANG WATER AT ENVIRONMENT CHAMPIONS SA PH

Kinilala ang Quezon City Climate Change and Environmental Sustainabi­lity Department bilang isa sa nangungunang  water at environment champions sa Pilipinas sa ginanap na  World Water Day Philippines Award 2023.

Sa pagdiriwang ng  World Water Day, tinanggap ni CCESD Head Andrea A. Villaroman ang  Water Warrior Award for Advocacy Leadership sa isang seremonya na inorganisa ng  Maynilad Water Services, Inc., National Water Resources Board, at Department of Environment and Natural Resources (DENR).

“This recognition is a testament that the city’s initiatives in water conservation have positively impacted  the lives of our residents. We are working closely with our partners and stakeholders to develop more programs to ensure water sufficiency for QCitizens in the future,”  pahayag ni QC Mayor Joy Belmonte.

Si Mayor Belmonte ay isa ring recipient  ng award noong taong 2021.

Sinabi ni Villaroman na noon pang 2019 ay nailunsad na ng QC ang Responsible Water Use Campaign kasama ang lahat ng  stakeholders para  sa  water conservation measures.

Pinaigting din ni ­Mayor Belmonte ang programa ng departamento sa pamamagitan ng pagpapa­labas ng kautusan para sa lahat ng city departments at barangay  na gawin ang responsableng paggamit ng tubig at maisaayos ang water management.