NAARESTO na ng pulisya ang suspek sa pamamaril na ikinasawi ng opisyal Land Transportation Office (LTO), ayon kay Department of the Interior and Local Government (DILG) Secretary Benjamin “Benhur” Abalos Jr.
Gayunpaman, tumanggi si Abalos na pangalanan ang gunman, na nakapatay kay LTO Central Office Registration Section Chief Mercedita Gutierrez noong Biyernes ng gabi sa panulukan ng Kamias Road at K-H Street sa Barangay Pinayahan, Quezon City.
Hindi niya rin binanggit ang motibo sa pamamaslang, pero sinisilip na raw ng mga awtoridad ang posibleng motibo sa pagpatay.
Nagtamo ng mga tama ng bala si Guttierez na agad dinala sa East Avenue Medical Center (EAMC) kung saan idineklarang wala ng buhay.
Kinondena ni LTO chief Assistant Secretary Vigor Mendoza ang pamamaslang, na kanyang inilarawan na “kaduwagan.”
More Stories
Toby Tiangco, tinawag na ‘big loser’ ni Barry Gutierrez sa palpak na kampanya ng Alyansa
Marcos hinihikayat ang bayan na magkaisa at ituon ang pansin sa pag-unlad pagkatapos ng midterm elections
Walang ‘bloodbath’ sa impeachment trial ni VP Sara Duterte — Leila De Lima