PSL-COCOLIFE-WINZIR PRO DUMPER CUP 2, ANG LIGA NG BAYANG BASKETBOLISTA

BASKETBALL leagues come and go dito sa ‘Pinas.

May mga tumatagal for life pero meron ding isang conference lang ay tiklop agad.

Manpower, resources, dedication at determination ang susi upang ma-sustain ang liga ng sport na pinakapaboritong pastime ng mga Pinoy.

Kung sa materyales  ng mga players, walang problema dahil sa dami ng talents nationwide na kailangan lang madiskubre at kung sa following ang paguusapan ay tiyak na dagsa ang crowd sa bawat malaki o maliit mang liga.

Diyan naiiba ang Pilipinas Super League o PSL. Itinatag ito nina PSL president Rocky Chan kaagapay si VP Ray Alao at ang commissioner nito ay si ex- PBA star at dating Gilas standout Mark Pingris katuwang si deputy commissioner Chelito Caro at basketball operation head  Leo Isaac.

Instant success ang nakaraang  buwenamanong  season sa Visayas/ Mindanao ng PSL  kaya nasundan ito ng mapusok na VisMin at Luzon legs na PSL 21-U simultaneous na isang legit  blockbuster na conference.

“I’m overwhelmed sa turnout ng crowd sa ating liga para sa kabataan nationwide.Ang taas ng antas ng kompetisyon ng mga manlalaro ng bawat koponan na halos balanse ang lakas kaya puro magaganda ang laban. Sa Visayas at Mindanao ay talagang dikdikan ang bakbakan doon gayundin dito sa Pampanga (San Fernando City) na may dalawang koponang kalahok na nakapagbigay ng oportunidad sa mga kabataang Kapampangan na ipakita ang kanilang husay sa basketball. Kaya nga pinasasalamatan natin si Gov. Dennis Pineda sa kanyang suporta sa liga,” pahayag ni Chan na special mention  si PSL top honcho Dinko Bautista, ang suporta ni  Rep. Claudine Bautista, Davao Occ. Gov Claude Bautista at op kors sa corporate partner na COCOLIFE sa pamumuno ni Pres. Atty. Jose Martin Loon at SVP Joseph Ronquillo, VP Rowena Asnan at EVP Franz Joie Araque.

Patuloy din ang buhos na suporta ng mga corporate sponsors partikular sa  parating na PSL Pro 2nd Conference Dumper Cup .

Latest sa mga tagapagtaguyod ay ang WINZIR na makatuwang ng Cocolife at Dumper Party List. Todo suporta rin ang  La Filipina Corned Pork at Luncheon Meat,Amigo Segurado Pasta and Sauce, Unisol , Wilson, Wcube Solutions,Inc., Adcon at Hotel Sogo.