PRESYO NG DIESEL, SISIRIT SA HIGIT P6 SA SUSUNOD NA LINGGO

Abiso sa mga motorista. Muling tataas ang presyo ng produktong petrolyo sa susunod na linggo.

Aabot sa P6.30 hanggang P6.60 ang itataas sa presyo ng diesel kada litro.

Nasa P2.50 hanggang P2.80 naman ang itataas sa presyo ng gasolina kada litro.

Nasa P5.10 hanggang P5.30 naman ang itataas sa presyo ng kerosene kada litro.

Matatandaang sunod-sunod na ang pagtaas ng presyo sa produktong petrolyo mula nang guluhin ng Russia ang Ukraine may tatlong buwan na ang nakararaan.