PITMASTER NAMUDMOD NG FOOD ASSISTANCE SA MUNISIPALIDAD NG PILA

Nagpapasalamat si Pila Mayor Edgardo A. Ramos sa tulong ng Pitmaster Foundation sa ipinamahaging food assistance para sa closed contact ng iba’t ibang barangay sa naturang bayan.

Kabilang sa mga barangay na naabutan ng tulong ng Pitmaster ay ang Barangay Bukal, Tubuan, Masico, Sta. Clara Sur, Labuin, Linga, Sta. Clara Norte, San Miguel, San Antonio, at Pinagbayanan.

Ayon kay Pitmaster Executive Director Atty. Caroline Cruz, sinisiguro ng Pitmaster na ang sambayanang Filipino ay makakaasa sa patuloy na paghahatid nito ng maagap at mapagkalingang serbisyo lalo’t higit sa panahong ito ng pandemya.