PH surfer Roger Casugay, nagkamit ng Coubertin Fair Play Award

Pinarangalan si surfing star Roger Casugay bilang first Filipino na nagkamit ng ‘Pierre de Coubertin Act of Fair Play Award’. Ito ay pagkilala sa kanyang ginawang heroism noong 30^th SEA Games.

Naging biggest star si Casugay sa SEA Games pagkatapos nitong tulungan ang Indonesian rival na hinampas ng alon.

Sa halip sa isiping manalo, pinili ni Casugay na sagipin ang surfer na si  Arip Nurhidiyat. Naging viral sa social media ang kabayanihan ni Casugay

Dahil dito, kinilala ng International Olympic Committee (IOC) ang kanyang  ‘kindness’ at ‘bravery’.

Ikinagalak naman ni PSC at 30^th SEAG Chef de Mission William Ramirez ang pagkilala kay Casugay.

 “We are very proud of Roger because he has truly exemplified the true meaning of being a Filipino and a sportsman,” ani Ramirez.

Ang pagkilala kay Casugay ay ipinaalam ng International Surfing Association (ISA)  sa pamamagitan ni Membership and Development Manager Alex Reynolds.

Ipinaalam ni Reynolds kahapon sa United Philippine Surfing Association ang gawad-pagkilala ng Coubertin kay Casugay.

“Above all, it is a more fulfilling achievement to be recognized for character than skills and achievements. It shows who we are as people and as a nation,” ani ng PSC Chief.