PANGATLONG COMMUNITY ISOLATION FACILITY NG NAVOTAS, BUNUKSAN

Pinangunahan ni Congressman John Rey Tiangco, kasama si COVID-19 testing czar Sec. Vince Dizon; DPWH Usec. Roberto Bernardo; MMDA general manager Jojo Garcia; at DOH-NCR Regional Director Dr. Corazon Flores ang pagpapasinaya sa pangatlong community isolation facility (CIF) ng Navotas City na tirahan ng mga residenteng may hinihinalang confirmed COVID-19 sa Navotas Centenial Park matapos buksan ng Pamahalaang Lungsod sa pamumuno ni Mayor Toby Tiangco . (JUVY LUCERO)

BINUKSAN na nang Pamahalaang Lungsod ng Navotas ang pangatlong community isolation facility (CIF) na tirahan ng mga residenteng may hinihinalang confirmed Coronavirus Disease 2019.

Pinangunahan ni Cong. John Rey Tiangco ang pagpapasinaya, kasama si COVID-19 testing czar Sec. Vince Dizon; DPWH Usec. Roberto Bernardo; MMDA general manager Jojo Garcia; at DOH-NCR Regional Director Dr. Corazon Flores.

Ang pamahalaang lungsod, sa pakikipagtulungan ng Department of Public Works and Highways (DPWH), ay ginawa ang 50 40-footer container vans na may 200 bed-capacity isolation facility sa Navotas Centennial Park.

Ang Navotas ay may dalawang existing CIFs, ang Navotas National High School at Navotas Polytechnic College, na tumatanggap ng 210 patients.

Ang bawat yunit sa CIF3 ay may kama, mesa at upuan, banyo at paliguan, airconditioning unit, at NavoConnect wi-fi.

Mayroon ding mga CCTV camera ang pasilidad para sa madaling pagsubaybay sa mga pasyente at upang limitahan ang mga pagbisita sa pisikal ng mga medical staff.

Ayon kay Mayor Toby Tiangco, maglalagay ang CIF3 ng mga close contacts ng COVID positive patients na sumailalim sa pagsusuri sa swab.

Ang CIF3 ay magsisilbing pansamantalang kanlungan ng mga close contact na naghihintay ng kanilang mga resulta sa test. Nais naming igugol nila ang kanilang quarantine sa pasilidad na ito upang matiyak ang kaligtasan ng kanilang pamilya o mga nakakasama nila,” paliwanag niya.

“Nais din naming maging handa sakaling magpatuloy ang DepEd sa plano nitong face-tofcae classes sa Enero sa susunod na taon. Ang aming unang dalawang CIF ay mga institusyong pang-edukasyon at hindi kami sigurado kung kailan natin magagamit ang mga ito bilang mga isolation facility,”dagdag pa niya.

Samantala, ipinahayag naman ni Cong. Tiangco ang kanyang pasasalamat sa pambansang pamahalaan sa patuloy na pagtulong nito sa Navotas.

“Noong Agosto 8, naitala namin ang 1,760 mga aktibong kaso, ang aming pinakamataas na bilang hanggang ngayon. Noon, lahat kami ay malalim sa trabaho.
Ngunit dahil sa matatag na suporta ng pambansang pamahalaan – mula sa pagbibigay ng mga testing kits at isolation facilities ay nagawang mabawasan ang aming mga COVID cases,” aniya.

As of November 5, ang Navotas ay may 57 active cases, 149 ang nasawi, at 4,953 recoveries. Nakapagsagawa na rin ito ng 37,533 swab tests.