Panalo sa Game 1 ng East finals, itinarak ng Miami Heat sa pagtusta sa Celtics

Nanaig ang Miami Heat sa Boston Celtics sa Game 1 ng east finals. Tinusta ng Heat ang Celtics sa overtime, 117-114.

Ang panalo na ito ng Heat ay regalo sa birthday ni Jimmy Butler. Nanguna sa panalo ng Miami si Goran Dragic.

Naglista ang Slovenian ‘baby face’ ng 29 points, 7 boards at 4 assists. Nag-ambag naman si Jae Crowder ng 22 points, 5 boards at assists.

Sa Boston naman, bumuslo si Jason Tatum ng 30 points, 14 boards at 5 assists. Umasiste naman si Marcus Smart ng 26 points, 3 boards at 1 assists.

Lumamang ang Boston sa first quarter. Nahabol ito ng Heat. Muling lumamang ang una hanggang fourt.

Ngunit, nakahabol ang Miami dahil sa kanilang depensa. Natapos ang regulation sa 106-106 all.

Naging dikdikan ang laro sa overtime. Ngunit, malaking bagay ang ginawang block ni Bam Adebayo kay Tatum, 116-114.

Nasupalpal ni Adebayo ang tangkang dunk ni Tatum upang itarak sana ang 116-116 all. Hindi naman naisalpak ni Tatum ang tres, dahilan upang matalo ang Celtics.

Ang Game 2 ay idaraos sa Huwebes (Biyernes ng umaga, PH time).