MALAPIT nang payagan ng national government ang pag-angkas sa motorsiklo at inatasan na ang transportation agencies na gumawa ng mga guidelines upang mapanatiling ligtas ang lahat sa kabila ng COVID-19 pandemic.
Ito ang inanunsiyo ni Presidential Spokesman and national coronavirus task force spokesman Harry Roque ngayong Hunyo 20.
Ayon kay Roque, kailangan na lang maglatag ng guideline ng technical working group na kinabibilangan ng Department of Transportation, Department of Science and Technology, Department of Health at Metro Manila Development Authority para sa pag-aangkas.
Ito’y para masiguro na malimitahan ang transmission ng COVID-19 sa oras na payagan na muli ang backriding.
“So malapit na po ang backriding. Pero kinakailangan ang NTF [National Task Force on COVID-19 efforts] po ang mag-issue ng mga guidelines. Pinapayagan na “in principle” ang backriding upon the approval of the requirements by the technical working group (TWG). Antay antay na lang po muna,” saad ni Roque.
More Stories
“MAY PROBLEMA KA BA SA MAY AUTISM?” — DENNIS TRILLO, NAG-INIT ANG ULO SA BASHER NG ANAK NI JENNYLYN
Property exposure ng mga bangko sa Pilipinas, bumagsak sa pinakamababang antas sa loob ng 6 taon — BSP
Collegiate Coaches ng UAAP at NCAA, paparangalan sa SMC-Collegiate Press Corps Awards