Kulong na ngayon ang isang suspek na tinaguriang High Value Individual na nagbebenta ng iligal na droga matapos makuhanan ng halagang P2.5 milyon ng shabu sa isinagawang drug buy-bust operation ng mga tauhan ng City Drug Enforcement Team ng Antipolo City Component Police Station bandang alas-11:40 ng gabi, araw ng Lunes sa Barangay Mambungan ng Antipolo City, Rizal.
Kinilala ang suspek sa alyas na si “Kuya”, nasa hustong gulang at nakatira sa Barangay Corazon De Jesus ng San Juan City, Metro Manila.
Ayon sa ipinadalang report ni Antipolo City Chief of Police Lieutenant Colonel Ryan Manongdo, sa opisina ni Calabarzon Police Regional Director Police Brigadier General Paul Kenneth T. Lucas, nasamsam sa posisyon ng suspek ang 10 pakete ng mga hinihinalang shabu na nagkakahalaga ng Standard Drug Price na P2,516.000.00 at ang ginamit na buy-bust money.
Pansamantalang nasa kustodiya ngayon ng Antipolo City PNP ang suspek na mahaharap sa kasong paglabag sa Republic Act 9165 o Comprehensive Dangerous Drugs Act of 2002. (KOI HIPOLITO)
More Stories
Bong Revilla, Villar at iba pa pormal nang inendorso… MGA PAMBATO NI MARCOS SA PAGKA-SENADOR WALANG BAHID NG DUGO, KORAPSYON
Survivor sa “Superman stunt” sa Marilaque binawian ng driver’s license ng LTO
KICK-OFF MOTORCADE RALLY NG ‘ANG BUMBERO NG PILIPINAS’ PARTY-LIST RUMATSADA NA