New Seaside Driver sa Pasay, dinagsa ng mga nagbibisikleta

DUMAGSA ang mga nagbibisikleta sa kahabaan ng New Seaside Driver malapit sa Okada Hotel sa Pasay City ngayong araw.

Ilan sa kanila ay hindi nakasuot ang face mask.

Matatandaan na ginawang mandatory ang pagsusuot ng face mask sa mga pampublikong lugar dahil sa coronavirus pandemic.

Pero paliwanag ng iba na mahirap magsuot ng face mask habang nagbibisikleta o nagsasagawa ng physical activity.

Payo naman ng mga  dalubhasa sa kalusugan na magsuot lamang ng manipis na mask imbes na gumamit ng surgical at N95 mask upang makahinga sila nang maayos habang nakikibahagi sa anumang uri ng sports.