ISANG “blue alert” ang ipinatupad ng National Disaster Risk Reduction and Management Council (NDRRMC) para sa Traslacion ngayong taon, ang grand procession ng imahe ng Itim na Nazareno.
Sa ilalim ng blue alert, 50% ng mga tauhan ng NDRRMC ang naka-standby para sa posibleng emergency.
Sa inilabas na kalatas, sinabi ng Office of Civil Defense na mahigpit na nakamonitor ang NDRMMC at nakikipag-ugnayan sa iba pang ahensiya ng gobyerno at security forces para sa mga insidente na maaring maengkwentro sa selebrasyon bukas.
Dagdag pa nito, tutukan din ng Manila City DRRM Office ang sitwasyon at reresponde sa mga emergency.
Samantala, 16,000 tauhan ng Philippine National Police, ang ide-deploy para tiyakin ang kaligtasan ng mga deboto para sa mga gagawing aktibidad.
More Stories
Xyrus Torres, Nagpakawala ng Tirang Panapos! NLEX Tinodas ang Ginebra, 89-86
BAGONG SANTO PAPA, HAHARAP SA ‘MAHIRAP AT MASALIMUOT’ NA PANAHON SA KASAYSAYAN
HVI tulak, huli sa buy bust sa Valenzuela, P476K shabu, nasamsam