Nangyaring data breach sa system ng GSIS, iniimbestigahan na

Kinumpirma at iniimbestigahan na ng Government Service Insurance System (GSIS) ang insidente ng Cybersecurity breach sa kanilang systems.

Sa statement, sinabi ng GSIS na pasado ala-5:00, kahapon, nang makatanggap sila ng notice mula sa kanilang security partner, na napasok ng isang local threat actor ang administrator account ng isa sa kanilang computers.

Ayon sa state-owned pension fund, ang data breach ay ibinahagi sa Facebook page ng local threat actor.

Inihayag ng GSIS na naka-offline na ang apektadong computer at iniimbestigahan nang mabuti ang insidente upang i-assess ang lawak ng cybersecurity breach.

Idinagdag ng pension fund na bina-validate na nila ang claims ng intruder, upang matiyak ang full compliance sa requirements ng Data Privacy Act.