Nakakabilib ang fighting spirit ng Denver Nuggets

Ibang klase ang ipinakitang fighting spirit ng Denver Nuggets nitong Game 6 ng west semis.

Muntikan na silang walisin ng Los Angeles Clippers. Pero, nakasilat pa. Kaya naman, may Game 7 pa sa Miyerkules.

Ano bang nangyari sa Clippers? Epekto ng pandemya? Gayunman, magandang laban itong Game 7. Dito natin malalaman kung sino ang haharap sa Lakers.

Kayo mga Ka-Uppercut? Kanino kayo? Nuggets o Clippers?

                                                        oOo

Mukhang apektado rin ang mga NBA coaches dahil sa pressure ng bubble at COVID-19 pandemic. May emotional exhaustion na rin kaya sila?

Hindi natin inaasahan ito. Nakakadismaya naman talaga. May mga coach na sinibak ng kanilang team. Meron namang ayaw nang magtimon.

Kabilang sa nasibak sina Brett Brown ng Philadephia 76ers. Gayundin si Alvin Gentry ng New Orleans Pelicans.

Yung mga umayaw naman ay sina Billy Donovan ng Oklahoma City Thunder. Sumunod na rin si Mike D’Antoni ng Houston Rockets.

Right move ba ang ginawa nila? Maaari. Kaysa sa masisi pa. Ginawa ng mga coach ang lahat para sa team. Kaya, hindi dapat sila sisihin.