Motorista, magsaya! Rollback sa gasolina, P5.70; diesel, P6.10

Nag-anunsyo na ng bigtime rollback sa presyo ng mga produktong petrolyo ang ilang kompanya ng langis.

Nasa P6.10 ang magiging tapyas sa presyo ng kada litro ng diesel; P5.70 sa gasolina at P6.30 sa kerosene.

Mauunang magpatupad ng rollback ang kompanyang Caltex mamayang hatinggabi habang alas-6:00 naman ng umaga bukas ang Shell, Seaoil at Petro Gazz.

Epektibo ang bawas-presyo ng Cleanfuel alas-8:01 ng umaga bukas.

Una nang sinabi ng Department of Energy (DOE) na ang malakihang rollback sa presyo ng petrolyo ay bunsod ng lockdown sa Shanghai, China, interest hikes, banta ng recession na maaaring magdulot ng demand destruction at mas mahinang purchasing power dahil sa tumataas na presyo ng essential goods.