
NABITAG ng mga awtoridad ang isang most wanted person ng Malabon City sa kasong murder sa isinagawang manhunt operation sa kanyang pinagtataguang lugar sa Palawan.
Kinilala ni Malabon police chief Col. Albert Barot ang naarestong akusado bilang si Marlon Layson, 42-anyos at tubong Taytay sa Palawan.
Ayon kay Barot, nakatanggap ng impormasyon ang Warrant and Subpoena Section (WSS) ng Malabon police hinggil sa pinagtataguang lugar ng akusado sa Taytay, Palawan kaya agad sila bumuo ng team kasama ang mga operatiba ng Station Intelligence Section (SIS).
Kasama ang mga tauhan ng PPO Palawan Provincial Intelligence Unit, Taytay MPS, 2nd PPMFC, 1st PPMFC , 401st B MC-RMFB, PIT Palawan-RIU 4B, RID at CIDG Palawan, ikinasa ng WSS at SIS ang joint manhunt operation na nagresulta sa akusado dakong alas-8:30 ng umaga sa Barangay San Jose, Taytay, Palawan.
Si Layson ay dinakip sa bisa ng warrant of arrest ay inisyu ni Presiding Judge Josie N Rodil ng Regional Trial Court (RTC) Branch 293, ng Lungsod ng Malabon para sa kasong Murder.
More Stories
Akbayan Nangunguna sa Party-List Race ng Halalan 2025
VICO SOTTO, LANDSIDE NA NAMAN SA PASIG (Mahigit 390K na boto, lamang na lamang sa mga katunggali)
GO, AQUINO, DELA ROSA NANGUNGUNA SA SENATORIAL RACE — PARTIAL RESULTS NG COMELEC