BIDANG-BIDA si Ricielle Maleeka Melencio sa dalawa pang event para dalhin ang kanyang kabuuang gintong medalya sa lima at angkinin ang Most Outstanding Swimmer (MOS) award sa premier class sa pagtatapos ng Philippine Aquatics, Inc. ‘Go Full Speedo’ Swim Series Leg 2 Championships nitong Linggo sa Teofilo Yldefonso Swimming Pool sa Malate, Maynila.
Ang 20-taong-gulang na protégé ng Ayala Harpoons Swim Club ay nanguna sa girls 19-over 200-meter backstroke at 1,500-m freestyle, na nagtala ng 2:35.62 at 19:18.62, ayon sa pagkakasunod-sunod para tanghaling winningest swimmer sa dalawang araw na event na inorganisa ng PAI at suportado ng Philippine Sports Commission at Speedo.
Tinalo ni Melencio sina Dianna Celyn Cruz ng Ilustre East Aquatic (2:41.25) at Iammejen Lopez ng D’Ace Seahwaks sa 200m back, bago dominahin ang field sa 1500m na free kasama ang kanyang mas malapit na karibal na si Rio Balbuena ng Ilustre East na pumangalawa sa 19:25.80 .
Sa araw ng pagbubukas nitong Sabado, ang dating international age group campaigner ay umangkin ng tatlong gintong medalya sa girls’ 50-m butterfly, 200-m freestyle, at 400-m freestyle, na nagtala ng 31.58 segundo, 2:19.26, at 4:55.28, ayon sa pagkakabanggit . Tanging sa 100-m back lamang siya naunsiyama matapos pumangatlo (1:13.70) sa likod ng nagwagi na si Dianna Celyn Cruz ng Ilustre East Aquatic (1:13.33).
“I feel better than the last series regarding training leading to this competition. I’m more prepared now, my goal is to improve my performance and I’m doing better now and mentally ready,” said the Ateneo freshman taking up Management Information System referring to her two golds, 1 silver and two bronze performances in Series 1.
Kumana rin ang SEA Age Group campaigner na sina Aishel Evangelista, Nicola Queen Diamante, Makoto Nakamura, at Sophia Rose Garra . Inangkin nila ang mga parangal ng MOS sa kani-kanilang mga klase sa edad sa kaganapang ginamit bilang bahagi ng sistema para sa ranking ng PAI swimmer.
Si Evangelista, na nanguna rin sa boys 14 yrs class sa Series 1 noong nakaraang buwan na may anim na gintong medalya, ay bumida sa 200m back (2:20.94), 100m breaststroke (1:12.91), 200m free (2:02.40) at silver medal sa ang 100m back (1:06.58) sa likod ng winner na si Kean Paragatos ng Rapid Dolphins (1:06.19).
Gayundin, inangkin ni Diamante, isang Grade 9 na estudyante sa Augustinian Abbey sa Las Pinas ang girls 14 yrs MOS na may mga tagumpay sa 200m back (2:49.88), 100m back (1:17.94) at 50m butterfly (31.70); Dinomina ni Nakamura ang girls 11yrs na may tagumpay sa 100m breast (1:28.46), 400m free (5:07.25), 200m freestyle (2:28.75) habang si Garra ang nanguna sa 12yrs 400m free (4:51.25), 100m back (71:91.25), 100m back (2:28.75) ), 200m pabalik (2:29.74), 100m na dibdib (1:21.75), 200m libre (2:18.16).
Ang iba pang nanalo ng gintong medalya ay sina Rielle Antonio sa girls 13yrs 200m free ( 2:22.66); Eliana Rodriguez (14yrs, 2:25.55), Kristine Uy (15yrs, 2:22.04), Alyssa Cabatian (16yrs, 2:22.04), Milkyla Guzman (17yrs, 2:26.25), Rio Balbuena (18yrs, 2:22.89);
Clinton Hu sa boys 6-under 200m free (5:04.40), Fritz Ian Jundam (7yrs, 3:49.77), James Fadriquela (8yrs, 3:27.54), Antonio Dela Cruz (9yrs, 3:25.27), Gideon Ancheta (10yrs, 2:36.89), Aamirah Medinilla (girls 6 under 200m free, 5:43.63), Elle Francia (7yrs, 4:19.65) at Ayesha Valera (8yrs, 4:06.86). (DANNY SIMON)
More Stories
PUBLIKO PINAG-IINGAT SA PAPARATING NA BAGYO
BuCor, gov’t agencies magko-colab para sa reformation program
BATANG RUSSIANS NAMAYANI SA ASIAN JRS AT GIRLS CHESSFEST SA TAGAYTAY