Bumida si Jimmy Butler at Bam Adebayo sa pagtupok ng Miami Heat sa Brooklyn Nets, 106-93. Binuhat ng kanilang 41 points combination ang tropa ni coach Eric Spoelstra sa panalo.
Bumira si Adebayo ng 24 points at 9 rebounds. Habang si Butler ay nag-ambag ng 17 points, 14 boards, 7 ast at 4 stl. Sa Brooklyn naman, bumanat si Kevin Durant ng 25 points, 11 boards, 2 ast at 2 blks.
Umalalay naman si Joe Harris sa paglista ng 15 points at 3 boads. Habang si James Harden naman ay kumana ng 14 points, 7 boards at 7 assists.
Samantala, nasayang ang 26-point lead blowout ng Los Angeles Lakers. Gayunman, nakuryente sila sa Oklahoma City Thunder, 123-115. Nanguna sa Thunder si S. Gilgeous-Alexander na may 27 points, 9 boards at 5 assists.
Sa Lakers naman, nagtala si Anthony Davis ng 30 points, 8 boards at 2 assists. Si Russell Westbrook naman ay kumana ng 20 points, 14 boards at 13 assists.
More Stories
Mayor Dante Esteban Cup 2025… SEALIONS PAPASIKLAB SA CALINTAAN, MINDORO OCC.
Mandaluyong Invitational tourney… ‘MIGHTY 9’ NG GSF RAVEN TANAY SIKARAN
LOUIE SALVADOR NG ‘PINAS NAGHARI SA FIDE-RATED CHESS TILT SA THAILAND