MEMPHIS GRIZZLIES, NILAPA ANG JAZZ, KNICKS, DINAGIT NG HAWKS

Nilapa ng Memphis Grizzlies ang no.1 seed Utah Jazz sa Game 1 ng NBA playoffs, 112-109. Bumida sa panalo ng Memphis si Dillion Brooks na naglista ng 31 points.

Nagtala rin siya ng 7 rebounds at 2 assists. Umalalay naman si Jah Morant sa paglista ng 26 points, 4 boards at 4 assists.

Sa panig naman ng Jazz, nagtala si Bojan Bogdanovic ng 29 points. Meron din itong 5 rebounds at 2 steals.

Nag-ambag naman si Mike Conley ng 22 points, 6 boards at 11 assists.

Samantala, sa iba pang laro sa playoffs ngayong araw, dinagit ng Atlanta Hawks ang New York Knicks, 107-105.

Nanguna sa panalo ng Hawks si Trae Young na nagtala ng 32 points, 10 assists at 7 boards. Tumulong naman si Bogdan Bogdanovic na bumuslo ng 18 points, 4 boards at 2 steals.

Si Alec Burks naman ang kumamada para sa New York ng 27 points, 4 rebounds at 2 assists. Nag-ambag naman si Derrick Rose ng 15 points, 5 boards at 5 assists.