May babalikan pa raw ba? LOUISE DELOS REYES, BALIK KAPUSO NETWORK NGA BA?

APAT na taong natengga ang career nitong si Louise Delos Reyes. Simula 2017 ay hindi siya nabigyan ng magandang project sa Kapamilya Network. At ngayong nagsara na ang ABS-CBN, balik Kapuso na ang actress.

“Muling mapapanood ang tambalan nila ni Alden Richards na ‘One True Love’ sa Afternoon Prime ng GMA-7. At ito’y mapapanood na this coming August 10, 2020. Masaya si Louise Delos Reyes, dahil muli nanaman siyang mapapanood sa GMA-7. Kung tatanggapin ito at muling papanoorin, doon lang siya makakatiyak na tanggap pang muli ang loveteam nila ni Alden Richards.

“Hindi na siya kilala ng mga tao. Kung meron man, iyon ay ang kanyang mga tagahanga. Sa apat na taon niyang pagkawala sa Showbiz, tanong nga ng marami may babalikan pa ba siya? Kung bumalik man siya sa network na iniwan niya, nagkataon namang pandemic, mukhang bad timing naman ang kanyang pagbabalik,” malungkot na lahad ng aking source.