Marubdob na trabaho sa POC mas taimtim sa bagong taong 2025 – Tolentino

TITIPUNIN ni bagong halal- muling Philippine Olympic Committee president Abraham “Bambol” Tolentino ang mga bagong hanay ng mga miyembro ng POC Executive Board sa Enero  9 pagkatapos ay isusunod ang unang   General Assembly ng bagong taon  na itinakda sa Enero 15.

“Work starts in earnest,” ani Tolentino, lalo pa’t ang  2025 ay tatampukan ng  33rd Southeast

Asian Games sa Disyembre kung saan ang  host Thailand ay  inaasahang gagawin ang lahat para maging  overall champion.

“That will be a tough SEA Games, but I’m confident our athletes, our national sports associations will deliver in Thailand,”dagdag ni  Tolentino.

  Nasa isang dosena na international competitions ang nakahanay sa 2025 una rito ay ang  Ninth Asian Winter Games na nakatakda sa Pebrero 7 hanggang 14 sa Harbin, China, ang na- postpone na  Asian Indoor and Martial Arts Games na ihu-host ng  Jeddah sa di pa determinadong petsa .

 Sinabi ni Tolentino  na inaasahan niyang nasa direksiyong pataas ang  trajectory ng   Philippine sports matapos ang makasaysayang  hakot ng 2 gold medals ni Carlos Yulo sa gymnastics at 2 bronzes sa boxing nina Nesthy Petecio at Aira Villegas nitong nakaraang Paris 2024 Olympics.

“It was one historic year in 2024 that raised the bar that high, making the POC’s mission and vision even more challenging,”sambit ni  Tolentino . “But it wasn’t impossible and my trust and confidence over the NSAs and my ‘Working Team’ could boost our athletes to achieve higher goals,”aniya pa.

  Si Tolentino at ang kànyang entirong   “Working Team” ay pawang  runaway winners ng nakaraang buwan na  POC elections—si Tolentino ng  PhilCycling ay may kabuuang  45 na boto na mayorya o three-fourths ng   61 voting members ng organisasyon .

Ang  “Working Team”ay sina first vice president Al Panlilio (basketball), second vice-president Richard Gomez (modern pentathlon), treasurer Dr. Raul Canlas (surfing), auditor Don Caringal (volleyball) at mga board members na sina  Leonora Escollante (canoe-kayak-dragon boat), Ferdie Agustin (jiu-jitsu), Alvin Aguilar (wrestling), Alexander Sulit (judo) at Leah Gonzalez (fencing)—ay nakakakuha rin ng  overwhelming votes of confidence mula sa NSAs.

Binigyang -diin ni Tolentino na ang   template of success nina  Yulo at Tokyo 2020 weightlifting gold medalist Hidilyn Diaz-Naranjo ang siyang padron upang manatiling nasa winning streak ang  Philippine sports.

“The template’s been tried, tested and proven twice over,” aniya. “For this coming year, the ingredients are there, making the path to the Los Angeles Olympics in 2028 clearer and achievable.” (DANNY SIMON)