UMAASA si presidential candidate at dating Senador Ferdinand “Bongbong” Marcos Jr. na susuportahan siya ni Pangulong Duterte.
Ka-tandem ni Marcos ang anak ng Pangulo na si Davao City Mayor Sara Duterte-Carpio.
“Well, kami ay hopeful. Kagaya nang sinabi rin naman I think ng nakararami kundi man lahat ng presidential candidate, it could be a big boost to get the endorsement of President Duterte,” ayon sa tagapagsalita ni Marcos Jr. na si Vic Rodriguez.
“Hindi kami inosente sa ganun. Gusto rin namin makuha ang endorsement ni Pangulong Duterte but hanggang nga sa ngayon e siguro nag-iisip pa ang ating Pangulo,” dagdag pa niya.
“Maghihintay kami at patuloy na aasa na makuha namin ang kaniyang matamis na oo,” ayon pa kay Rodriguez.
Umaasa rin si Sara na makuha ang suporta ng ama.
Nauna namang sinabi ni Duterte na wala itong susuportahang kandidato sa pagkapangulo.
More Stories
Pinuno ng Japanese Crime Syndicate, Nalambat ng BI sa Pampanga
Korte, Nagpasok ng ‘Not Guilty’ Plea para kay Teves sa Kasong Illegal Possession of Firearms
Bike Lane Barriers sa EDSA, Tahimik na Inalis — mga Cyclist, Nanganganib!