CALOOCAN CITY — Hindi na nakaporma ang isang 38-anyos na lalaki na akusado ng pangmomolestiya sa isang menor-de-edad matapos mahuli ng pulisya sa kanyang pinagtataguan sa lungsod ng Caloocan.
Kinilala ito bilang No. 8 sa Top Most Wanted Persons ng lungsod.
Nasakote ang suspek dakong ala-1:45 ng madaling araw sa Abbey Road 2, Barangay 73 ng mga operatiba mula sa Warrant and Subpoena Section ng Caloocan Police, matapos matunton ang kanyang lungga.
May dala-dalang warrant of arrest ang mga awtoridad na inilabas ng Caloocan City RTC Branch 1 noong Abril 10, 2025 para sa kasong Acts of Lasciviousness sa ilalim ng Article 336 ng Revised Penal Code, kaugnay ng Section 5(b) ng RA 7610 o Special Protection of Children Against Abuse, Exploitation and Discrimination Act.
Nasa P180,000 ang inirekomendang piyansa sa kaso ng suspek.
Hindi na nakapalag pa ang lalaki nang arestuhin at agad na dinala sa kustodiya ng pulisya habang inaasikaso ang kaukulang dokumento para sa kanyang pagharap sa korte.
More Stories
KOREAN SCAMMER NA MAY P400-M KASONG FRAUD, NASUKOL NG BI
39 foreign workers sa Telco sa BGC, naaresto ng Bureau of Immigration
Tulak, tiklo sa Malabon drug bust