MAGUINDANAO, NIYANIG NG 5.9 MAGNITUDE LINDOL

NIYANIG ng magnitude 5.9 na lindol ang Maguindanao kaninang hapon.

Batay sa inilabas na bulletin ng Philippine Institute of Volcanology and Seismology (Philvolcs), dakong alas-2:25 ng hapon nang tumama ang lindol sa Datu Blah Sinsuat , Maguindanao.

Ayon sa Phivolcs, ang epicenter ng naturang lindol, na tectonic ang origin ay natukoy na may 30 kilometro sa Timog Kanluran ng nabanggit na lugar, may lalim na isang kilometro.

Naramdaman ang pagyanig sa karatig lugar ng Maguindanao:

Intensity V – Datu Blah Sinsuat, South Upi, at Upi, Maguindanao; Cotabato City; Esperanza, Lebak, Palimbang, Kalamansig, Sen. Ninoy Aquino, at Bagumbayan, Sultan Kudarat.

Intensity IV – General Santos City; Zamboanga City; Pagadian City; Isabela City, Basilan; Antipas, Alamada, Tulunan, Pigcawayan, Kabacan, at Banisilan, Cotabato; Koronadal City, Tupi, Polomolok, Santo Niño, Surallah, Tampakan at Banga, South Cotabato; Kiamba and Maitum, Sarangani; Lutayan at Isulan, Sultan Kudarat; Datu Odin Sinsuat at Sultan Kudarat, Maguindanao.

Intensity III – Ozamiz City; M’lang, Makilala, at Tantangan, Cotabato; Norala, South Cotabato; Pres. Quirino at Columbio, Sultan Kudarat; Maasim, Sarangani; Pitogo at Labangan, Zamboanga del Sur; Liloy, Zamboanga del Norte; Siay, Zamboanga Sibugay.

Intensity II – Dipolog City; Cagayan de Oro City; Davao City; Kidapawan City; El Salvador City; Aleosan, Cotabato; Don Carlos, Cabanglasan, at Valencia City, Bukidnon; Malapatan and Malungon, Sarangani; Lambayong, Sultan Kudarat; Leon B. Postigo, Siayan, Sindangan, Gutalac, Tampilisan, Zamboanga del Norte; Ipil, Zamboanga Sibugay; Tubod, Lenamon, Balo-i, Kauswagan, Bacolod, Maigo, Lala, Kapatagan at Iligan City, Lanao del Norte.

Intensity I – Dapitan City; Malitbog at Libona, Bukidnon; Initao, Misamis Oriental.

Naitala naman ang Instrumental Intensities sa mga sumusunod na lugar:

Intensity IV – T’boli, Surallah, Tupi, Santo Niño, Koronadal City, South Cotabato; Kiamba, Sarangani.

Intensity III – Glan, Maasim, at Alabel, Sarangani; Zamboanga City; Columbio and Isulan, Sultan Kudarat.

Intensity II – Kidapawan City; Cagayan de Oro, Misamis Oriental; Malaybalay, Bukidnon.

Intensity I – Davao City; Nabunturan, Davao de Oro; Gingoog City, Misamis Oriental. Samantala, ayon sa Phivolcs, inaasahan ang pinsala at aftershocks dahil sa malakas na lindol.