Madugong umaga na aksidente sa Quezon TRUCK VS VAN; PASLIT, 7 IBA PA PATAY

TODAS ang nasa walo katao kabilang ang 2-anyos na paslit, habang pito ang nasa malubhang sugatan makaraang magbanggaan ang isang van at truck sa Sariaya, Quezon, Linggo  ng umaga.

Sa ulat ng pulisya dakong 5:30 ng umaga  nang mangyari ang malagim na aksidente sa Maharlika hi-way ng Sariaya, Quezon.

Sumalubong umano ang van na lulan ng 14 na pasahero sa kabilang lane kung saan tuloy-tuloy na sumagupa sa paparating na truck.

Dead on the spot ang babaeng paslit, pati ang driver at ang 6 pang mga pasahero nito.

Papauwi na sana ang mga biktima sa Manila,  na dumalo  lamang sa death anniversary ng kanilang grandmother sa  Balatan, Camarines Sur.

“Ang presumption now is nakatulog ang driver (ng van),” saad ni  Lt. Col. Carlo Caceres,  chief  Sariaya Municipal Police Station.

Ongoing pa rin ang imbestigasyon, ayon sa pulisya.

Nahaharap ang  truck driver sa kasong reckless imprudence resulting in multiple homicides, physical injuries, at damage to properties.