LIBO-LIBONG RESIDENTE NG TAYTAY, RIZAL  NAKIISA SA UNITY WALK NG TEAM GACULA

DINAGSA ng mga residente ng Taytay, Rizal  ang isinagawang unity walk ng Development Team sa pamumuno ni Mayor Joric Gacula.

“Hindi po namin inaasahan ang pagbuhos ng supporters mula sa iba’t ibang dako ng Taytay,” ayon kay Gacula.

“Nakakataba ng pusong makita ang hindi mahulugang karayom na dami ng mga taong nakiisa sa ating Unity Walk magmula sa St John the Baptist Parish patungong New Taytay Public Market,” dagdag ng alkalde.

Dahil dito, naniniwala rin si Gacula na malakas ang laban ng kanilang grupo ngayong darating na eleksyon dahil sa dami ng dumalo sa unity walk.

“Sa lahat ng mga dumalo kagabi, maraming maraming salamat po sa inyong walang sawang pagsuporta sa ating #DevelopmentTeam. Makakaasa po kayo na patuloy ang pag-asenso ng Taytay. Dito lang tayo sa subok na. 10-0 sa Mayo,” saad pa ng alkalde.