LALAKING SINUNOG ANG SARILI SA LABAS NG KORTE, PATAY

PATAY ang isang lalaki matapos sunugin ang kanyang sa sarili sa labas ng korte sa Manhattan, New York.

Ang pangyayari ay naganap kasabay ng pagdinig sa kaso ng dating US President Donald Trump.

Agad na nasupil ng mga awtoridad ang sunog at agad na dinala ang 37-anyos na biktima na si Max Azzarello sa ospital. Dahil sa insidente, kinordon ng mga awtoridad ang lugar.

Ayon sa New York police, ilang oras bago sunugin ni Azzarelo ang sarili, nag-iwan pa ito ng mensahe sa online ng babala tungkol sa paparating na “fascist world coup.”