Sisimulan na bukas, Hunyo 20, ng Regional Wage and Productivity Board ang public hearing para sa panukalang umento sa sahod ng mga kawani sa pribadong sektor sa National Capital Region.
Sa Kapihan sa Manila Bay, sinabi ni Labor and Employment Secretary Bienvenido Laguesma na mayroong isang buwan para maglabas ng desisyon ang Tripartite Board matapos ang kanilang pagdinig.
Aniya, maaaring sa Hulyo 16, 2024 ay mailalabas na ang magandang resulta nang pagtalakay ng wage board.
Sa ngayon, nasa P610 ang daily minimum wage sa Metro Manila at may mga panukalang itaas ng hanggang P800.
Ngunit ayon sa kalihim, may iba pang paraan para itaas ang suweldo ng mga kawani katulad ng collective bargaining agreement o CBA sa pagitan ng mga labor union at mga kumpanya.
More Stories
Magtatag ng business permit at licensing office sa mga LGU para makaakit ng mamumuhunan – Gatchalian
₱152M TESDA negosyo kits hindi naipamahagi sa mga benepisyaryo
TRUST, APPROVAL RATINGS SA 4Q 2024 NI VP SARA, LUMAGAPAK – PULSE ASIA