Kung mababakunahan ang mga guro, estudyante sa Agosto FACE TO FACE CLASSES POSIBLE

Maaring maikonsidera ang pilot face-to-face classes sa gitna ng COVID-19 pandemic kung nabakunahan na kontra COVID-19 ang mga estudyante at guro sa Agosto, ayon kay Education Secretary Leonor Briones.

Nauna nang tinanggihan ni Pangulong Rodrigo Duterte ang mungkahi ng Department of Education (DepEd) na payagan na ang resumption ng in-person classes dahil karamihan sa populasyon ay hindi pa fully vaccinated kontra COVID-19, lalo na ang mga bata, na hindi naman pasok sa prayoridad ng pamahalaan sa vaccination program nito.

Pero sinabi ngayon ni Briones na tiniyak naman ni vaccine czar Carlito Galvez Jr. na susubukan ng pamahalaan na mabakunahan ang mga bata pati na rin ang kanilang guro.

Gayunman, ang Presidente pa rin naman aniya ang magdedesisyon sa huli kung papayagan na ba o hindi ang in-person classes.