KRIS AQUINO ‘DI MINAHAL, GINAMIT LANG NI MEL SARMIENTO (Itinangging nagkabalikan)

Mariing itinanggi ni Kris Aquino ang mga balita na nagkabalikan na sila ng kanyang dating fiancé na si former DILG secretary Mel Sarmiento.

Matatandaan na ibinalita ng kolumnista na si Lolit Solis na may posibilidad na magkabalikan si Aquino at Sarmiento dahil mahal na mahal daw ng Queen of all Media ang dating kalihim.

Sa kanyang komento sa Instagram ay ibinahagi rin ni Aquino ang sama ng kanyang loob kay Sarmiento na diumano’y iniwan siya sa gitna ng kanyang mga pagsubok na kinakaharap.

“Hindi kami nag balikan. i just felt PEACE in my – finally… kaya the past no longer felt like something i needed to erase. Iniwan nya ko Nay, when i was at my lowest and ginawa nya yun via text,” kwento ni Aquino.

“Matagal akong tahimik na nagdasal questioning if for both of us, was it ever really love or was it just grief, timing, and infatuation? i found MY answers because we finally got to talk over FaceTime audio a few nights ago… basing it on that final conversation it became clear to me what his true feelings for me had been and how little respect i had left for him,” dagdag niya pa.

Binigo daw siya ni Sarmiento at hindi na daw ito nakipag usap pa sa kanila simula ng sila’y aghiwalay.

“Mel failed to have the common decency to acknowledge that he hurt bimb and never once checked on how my son was taking all of this. It spoke volumes to me nung nalaman ko from my Ate that she had tried several times to message Mel trying to find a way to communicate with him & hopefully still create a bridge but he actually snubbed my Ate.” ani Aquino.

“And siguro yung final straw for me was the fact kinaya nyang mag imbento ng napakaraming kwento bilang “patunay” na close talaga sila ni Noy,” dagdag pa niya.

Sa huli ay sinabi ni Aquino na ginamit lamang siya ng dating opisyal at hindi talaga siya nito minahal.

“So paano mag babalikan sa taong hindi mo na pinagkakatiwalaan at ngayon alam mo nang hindi ka minahal at ginamit ka lamang?” sabi niya pa.