Kim Chiu, sinagot ang bashers matapos siyang tawaging ‘tanga’

“Tao din kami, nasasaktan.”

Ito ang naging tugon ni Kim Chiu sa mga basher matapos alipustahin ang kanyang pagkatao sa social media.

Sa kanyang vlog noong Nobyembre 20, isa-isang binasa ni Kim ang mga hate comments na natanggap niya.

Karamihan sa kanila ay tinawag ang aktres na “tanga” at may isa pang minura siya.

Ayon kay Kim, walang perpekto at normal lang sa isang tao ang nagkakamali.

Kahit tawagin siya ng basher na ‘SI KIM CHIU ANG MOST TANGA’, ipinagmamalaki naman ni Kim na naka-graduate naman  siya with honors.